I SETO KUNINGRIIK - 1994 OBINITSAH
Linnupuu Anne ja Helmekaalaq
Müüdä lännü' om pall'o aigu,
armas, mitu aastakka,
kui mi siin küll kul'atõlli,
Taarka man mi tandsu leie.
Olõ-õs segi viil Setomaa,
piiri' kinni pitsitedü' -
kost ma minnä' sai Koss'olkahe,
saie veertä' mi Vil'o küllä.
Naka-ai vanma ma siin valitsusta,
suuri miihhi suditamma.
Esiki tõprit jo tõmmatas,
veiga näidä näägutõdas.
Täämbä om meil tähtsä päivä,
kuulsas saa s'oo kuupäivä:
Setomaal saa uma säädus,'kutsma naatas kuningriigis.
Armas Jummal, sa appi tulõ',
Essu, meidä avitõlõ'!
Saasi' nätä' tuud viil ello,
tuud viil tunni tulõvata!
Oe-ks, oe, võe, võe,
ommõ kahjo kodokanti.
Setomaa o segi lüüdu,
murõhta mi Mokolnulka.
Mokolnulk oll meil kuulsa kolka,
veiga hüä oll vilämaada.
Kotoh ma küll kokko leie,
pall'o külli oll mi kandih:
viistõist küllä oll mi veereh,
olli hulga ka hutõrita.
Oe-ks, oe, võe, võe,
küll om kahjo umma kanti -
nõgõsõ' küll nõsõsõ',
hagalilliõ haletasõ'.
Kuulõ', Ill'o, kuulõ', Kull'o,
kuulõ, korgõ sa kuningas,
palgimõtsa sa parsõldagu-ui!
armas, mitu aastakka,
kui mi siin küll kul'atõlli,
Taarka man mi tandsu leie.
Olõ-õs segi viil Setomaa,
piiri' kinni pitsitedü' -
kost ma minnä' sai Koss'olkahe,
saie veertä' mi Vil'o küllä.
Naka-ai vanma ma siin valitsusta,
suuri miihhi suditamma.
Esiki tõprit jo tõmmatas,
veiga näidä näägutõdas.
Täämbä om meil tähtsä päivä,
kuulsas saa s'oo kuupäivä:
Setomaal saa uma säädus,'kutsma naatas kuningriigis.
Armas Jummal, sa appi tulõ',
Essu, meidä avitõlõ'!
Saasi' nätä' tuud viil ello,
tuud viil tunni tulõvata!
Oe-ks, oe, võe, võe,
ommõ kahjo kodokanti.
Setomaa o segi lüüdu,
murõhta mi Mokolnulka.
Mokolnulk oll meil kuulsa kolka,
veiga hüä oll vilämaada.
Kotoh ma küll kokko leie,
pall'o külli oll mi kandih:
viistõist küllä oll mi veereh,
olli hulga ka hutõrita.
Oe-ks, oe, võe, võe,
küll om kahjo umma kanti -
nõgõsõ' küll nõsõsõ',
hagalilliõ haletasõ'.
Kuulõ', Ill'o, kuulõ', Kull'o,
kuulõ, korgõ sa kuningas,
palgimõtsa sa parsõldagu-ui!